Hunny Girl Life and Beauty

今日去換第2對牙箍喇，好期待！

之前上網睇D人成日話一加咗attachment就會除戴好難同好痛，又話D粒粒會成日勾住D食物，搞到自己都愈睇愈驚...

經過左1個星期之後，其實都唔係想像中咁辛苦je,  我反而仲覺得咁先真正有箍牙既感覺！

只係頭幾日D牙齒比較酸軟同扯得好緊，除戴要耐少少時間，同咬個舊chewies最酸痛，不過習慣左之後就好輕鬆了。

我total總共加左16粒attachment,  係犬齒個幾4粒最為明顯，笑既時候如果同你好近講野既人都很容易留意到。

頭1對牙箍未適應既時候，偶然都會除低黎食野，依家完全唔會喇，已經習慣左戴住牙箍黎食，無論點都係會攝D汁同食物落去架喇，係有少少唔舒服既，唯有食完之後盡快清潔口腔同牙箍，務求一定要每日戴夠最少22個鐘！

每對牙箍平均戴兩個星期，基本上過左第1個星期，牙箍就會開始有點鬆，因為你嘅牙齒不知不覺移動左，所以係唔洗擔心的。只係經常戴住牙箍食野，牙箍好快就會變黃，除左lunch,  我早晚都一定會落牙膏刷乾淨牙箍。

之前剝左牙個4個牙窿咪會有層白色野遮住嘅，但建議大家清洗牙箍到那個白色位置嘅時候，不要太用力去刷，否則這白色塗層會很容易脫落。如果介意別人看見的話，就要自行上診所找姑娘修整返。但我比較忙同怕麻煩，所以甩左就由佢，哈哈！

今次醫生一次過比左4對牙箍我，唔洗咁密去覆診了，自己定時去更換新牙箍就得喇。

宜家就分享一下我現時牙齒既進度啦！

這些粒粒就是傳說中嘅attachment啦！